ដូចម្តេចដែលហៅថា សេវាសាធារណៈ?

ចម្លើយ: សេវាសាធារណៈ គឺជាសេវាកម្ម ដែលបានផ្ដល់ដោយដោយរដ្ឋាភិបាល ទៅកាន់ប្រជាជនដែលរស់នៅក្នុងដែនដីសមត្ថកិច្ចរបស់ខ្លួន ដោយផ្ទាល់ តាមរយៈវិស័យសាធារណៈ ឬដោយការផ្ដល់ជាហិរញ្ញវត្ថុដល់ផ្នែកឯកជនក្នុង ការផ្គត់ផ្គង់សេវានោះជំនួសវិញ។ សេវាសាធារណៈរួមមាន ការអប់រំ ការការពារបរិស្ថាន អគ្គីសនី សុខាភិបាល ការអនុវត្តច្បាប់ សន្តិសុខ សណ្តាប់ធ្នាប់សាធារណៈ សេវាដឹកជញ្ជូន ការផ្គត់ផ្គង់ទឹក ប្រៃសនីយ៍ និងទូរគមនាគមន៍ ការគ្រប់គ្រងសម្រាម សេវាការពារជាតិ ... ។

តាមបណ្ឌិត សាយ បូរី បានបញ្ជាក់ថា សេវាសាធារណៈ មានន័យ ៣យ៉ាង គឺ :

- សេវាសាធារណៈ គឺជាអង្គការ ដែលមានបុគ្គលិក ភ្នាក់ងារធ្វើការ និងជាមធ្យោបាយសម្រាប់បម្រើផល ប្រយោជន៍សាធារណៈ។ រដ្ឋ និងសមូហភាពវិមជ្ឈការ អាចបង្កើតសេវាសាធារណៈបានដោយខ្លួនឯង ។

- សេវាសាធារណៈ គឺជាសកម្មភាពដែលបម្រើផលប្រយោជន៍ទូទៅរបស់រដ្ឋ។ សកម្មភាពទាំងនេះ ជូនកាលកាន់កាប់ដោយរដ្ឋខ្លួនឯងផ្ទាល់ ហៅថា “រដ្ឋាករ” ជូនកាលរដ្ឋប្រគល់ឲ្យឯកជនកាន់កាប់ ប៉ុន្តែស្ថិតនៅក្រោមការត្រួតពិនិត្យរបស់រដ្ឋ ហៅថា “សម្បទានសេវាសាធារណៈ” ។

- សេវាសាធារណៈ គឺជាអត្ថន័យសំខាន់មួយនៃនីតិរដ្ឋបាល ដែលសំដៅលើសកម្មភាពរបស់រដ្ឋក្នុងរបប គតិយុត្តពិសេស ឬរបបគតិយុត្តបដិប្បញ្ញាត្តិពីគតិរួម។